Evaluatie Vastelaovend door An & Nel

An: ‘Daag Nel!’
Nel: ‘Daag An! Wie geit ut?’
An: ‘Good Nel, danke. En met dich?’
Nel: ‘Auk good, danke. Ut seizoen is waer veurbeej! Maar wat hebbe we genaote!’
An: ‘Jao, det is waor. Ut waar in ein woord fAN-tas-tisch!’
An: ‘Gen gegreek, gen genäöl, good waer en geweldige Gangmakers!’
Nel: ‘Jao, en det nao ein bewaoge begin van ut seizoen.’
An: ‘Wat dan?’
Nel: ‘Ut waas eine onderein: d’n Oeles had unne prins van de Beerpiëp en de Beerpiëp adjudante van de Boere.
An: ‘Waar d’r beej de Kaetelaers niks?’
Nel: ‘Nou, op de letste daag, op dinsdaag, woort dao auk nog gauw geruild: Heej is hae dan, leuk snel: Theo óet de Hèl! Ozze eige Theo met zien trom, leep beej de Duuvels in de optoch mei-j. Eric, de greunteboer, leep beej de Boere mei-j!’
Nel: ‘Los daovan, zien d’r intern auk altiéd waal dingkes die misgaon of neet gaon wie ut huert!’
An: ‘Wat dan?’
Nel: ‘Nou, d’r zitte mich waat vergaetmutse beej die vereiniging!’
An: ‘Wat dan?’
Nel: ‘Nou, beej ut Intern Aafschied van Roy en Jerney bleek waal det d’r al nieje Gangmakers ware!’
An: ‘Wie men se?’
Nel: ‘Nou, de alde Gangmakers kriege altiéd as aandinke ein Gangmakersspeldje! Maar die ware ze vergaete. Die looge nog beej de ceremoniemeister op ut nachkesje!’
An: ‘Maar, det mense neet!’
Nel: ‘Jaowaal, en det waar nog neet alles. De veurzitter van ut Gilde vergoot det hae beej de Boereraod waar en neet beej d’n Oeles! Beej det aafschied had hae ze bijna Oelesspeldje opgespeld!’
An: ‘Maar toch!’
Nel: ‘Maar d’n druppel waar de Boerejoekszitting!’
An: ‘Wiesoe dan?’
Nel: ‘Toen woort gewuën vergaete um ut bróedspaar op te haole um naor de zitting te gaon. Die zoote braaf thoes te wachte, maar genne taxi.’
An: ‘Maar, maar, maar…’
Nel: ‘Jao, maar oetintelik kwaam alles waer good.’
An: ‘Gelökkig maar!’
Nel: ‘Maar die boere vergaete neet allein mekaar of emus…’
An: ‘Wie men se?’
Nel: ‘Nou, dae mannelijke Getuuge haet ziene jas beej Sintermerte laote hange. Maar ja, dae waar ’s morges nog toe wie hae waer op paad ging!’ An: ‘Hmm, en toen?’
Nel: ‘Ozze chef de protocole haet gelukkig ein ganse gróete garderobe. Dao woort gauw eine jas oetgepluk en de Getuuge aangedaon. ’s Aoves naodet taxi-Jeuke um netjes thoes had aafgezatte, is hae nog naor Sintermerte gegaon en had ziene jas opgepik!’
An: ‘Maar, maar, maar det die toch neet wat zuuniger zien op eur gerei! Wat kos det waal neet?’
Nel: ‘Nou, zwieg dao maar euver, dao heb ik nog waal mier euver te vertelle: ut vruike van ut Ingelke waar zien plu kwiet. En beej de Veuzitter dao tochde ut.’
An: ‘Wie???’
Nel: ‘Beej de iërste evaluatie met ut nieje bróedspaar zoote ze gezellig aan de salontaofel toen inens ut aug van die Bauerschwestie veel op zien kruuts!’
An: ‘Op zien petatte? Maar Nel!’
Nel: ‘Nou, petatte. Hae had waal zien hösschen gescheurd!’
An: ‘Moh, ut is ein sjang!’
Nel: ‘Maar den os bruudje…’
An: ‘Wat waas daomei?’
Nel: ‘Vastelaovesmaondaag zoot ut gezelschap te aete beej Quatre Bras. Inens eine paniekkreet van os bruudje: ut had zien tasje MET onderscheidinge in de koets laote ligge. En die koets stond naotuurlijk waer beej dae van Stoffels!’’
An: ‘En toen?’
Nel: ‘Toen haet de ceremoniemeister dae gebeld en is Annette van de kepel in de wage gespronge en haet det tasje waer opgehaold!’
An: ‘Maar, anders hadde die dao zonder medailles op de receptie van d’n Duuvel gestaon! Skandalusie!’
Nel: ‘Ja, ja en dan zien we d’r nog neet! In de garderobe van de chef de protocole hingk van alles. Zoé auk ein gilet met ein dubbele veuring.’
An: ‘Net wie Hayke Bongers?’
Nel: ‘Ja, zoiets. Det ment hae. Waar inens zien bonne kwiet, hinge die in zien gilet! Huup huup Barbatruc, dao ware ze waer. Maar good det die zuster van dich zo’n scherp aug haet!’
An: ‘Nou, ut is ein wonder det die Boere überhaupt nog kleijer aanhebbe.’ Nel: ‘Wie men se?’
An: ‘Die zuster van mich die verpats alles via Marktplaats! Ze haet de alde jasse van de manne auk verkoch. Die verkup alles wat los en vas zit.’
Nel: ‘Maaaaaarrrr, wat eine hANdelaer! Haha.’
An: ‘Maar 112 haet ut auk nog drök gehad met die Boere!’
Nel: ‘112?!?’
An: ‘Jao, ut begos wie ut kersverse bróedspaar zichzelf had boetegeslaote: gelukkig woende ’t Ingelke, teves lid van de technische commissie, naeve eur! Dae zou det waal efkes fikse.’
Nel: ‘Ja, en toen?’
An: ‘Dae haet gauw ein rutje geflets, zonder haase, zonder veiligheidsbril en toen ging ut mis. Inens had hae eine flinke splinter in ziene dop. Kos hae nao d’n HAP!’
Nel: ‘Maar, det is neet zoé sjiek. Zoog hae ut daonao nog waal zitte?’
An: ‘Jaowaal, ut is gans good gekomme!’ Maar ja. D’n Haandert haet auk bijna in de hens gestaon!’
Nel: ‘Wie? Ware ze jaloers op d’n Duuvel? Woele ze auk ein hel?’
An: ‘Nae, de veurzitter van de pr-commissie meus ut geheim van de Hei beware tiedes ut oetkomme en had ein viltje veur de lens van de beamer van de presentatie gezatte… Inens stond det viltje in de hens. Euveral rauk en fik!’
Nel: ‘Maar…’
An: ‘Gelökkig waar de Getuuge van 2012 vlot ter plaatse en traoj kordaat op! Opgelos!’
Nel: ‘Ja, en wat waar det beej de bitterballenparty van de Boerevader? Dao kos d’n ambulance bijna aanrukke, toch?’
An: ‘Ja, dien zuster waar dao toch balle aan ut servere? Wie de vrouw van de ceremoniemeister zich umdreijde, loge de bäl inens euver de taofel en op de grond! Maar gelukkig haet nemus zich verfik!’
Nel: ‘Nou, op zo’n geweldige seizoen kenne we waal waer ff tere en ff van beejkomme.’
An: ‘Jao, det is waor. Maar Nel, ik gaon verder met de petatte.’
Nel: ‘Ik gaon verder met de striék. Leuk dich waer ff gespraoke te hebbe.’ An: ‘Jao, det vind ik auk. Laot ut dich good gaon en we zeen os!’
Nel: ‘Utzelfde! Haije en wies bald!’
An: ‘Haije!’