Jubieleejum 6×11

Vandaag viërt ôs geleefde Boereraod ziene 6 x 11e verjäördig, de dansgroepen 5×11 en ôs boerejoekskapel 4×11 . Weej hadde ôs deze jubieleejumverjäördig gans angers veurgesjtêld en helaas hadde weej aafgeloupe weekend gên Boerejoekszitting, gên Klumpkes- en Verloofdenbal mêt de bekêndmaking van ôs Jeugboerebróedspaar en ôs Jubieleejum-Boerebróedspaar en Getuuge en gênne ôngedwônge kefeerôngkgangk! D’r wuërt zellefs gênne Vastelaovend geviërd! Wae had det oëts gedôch?! Dit jubieleejumweekend sjtêlle we óet nao ‘t Boereweekend van 4, 5 en 6 fibberwarie 2022! Weej haope mêt zien alle op baetere tieje, zoëdet we de Vastelaovend van 2022 döbbel zoë hèl kênne viëre!Viërt geej in 2022 ‘t jubieleejum 6 x 11 mei beej de Boere ôppe Hei?