Tegelse Top 33

De 3-kes kômme met Top 33 veur Bliërick en Tegele

‘t Joeksstasjon van de gemeinte Venlo, De 3-kes Radio, bestjeit sinds 2009. Nag noe-j-ts is d’r ein Topliés oétgezônde. Dao kûmp verrangering in. ‘t Gezelsjap kûpt dit sezoén met einen Top 33 veur Bliërick en Tegele.

‘t Idee-j um een topliés saame te sjtelle is neet nie-j. D’r zien legio van dit saort liéste. Dit sezoén kômme De 3-kes met ein liés veur de sjtadsdeil Bliërick en Tegelen. Inwoëners kênne vie-j-a de websait www.de3kes.nl eur sjtûm oétbringe op eur 9 favoriete vastelaovesliedjes. Dit iniesjatief wuërt ôngersjteund door De Wortelepin en door de ‘Samewerkende Tegelse Vastelaovesgezelsjappe’.

Door alle bezeuke aan de sjtadsdeile en dörpe en ‘t jaorlikse in gebroék nimme van De 3-kes radio is duúdelik gewaore det d´r prachtige vastelaovesliedjes zién gemak in ´t verleeje. Liedjes die dök einigszins in de vergaetelheid zien geraak. Door met lokale liéste te kômme wuërd de aandach gevestig op ein spesiefieke plaats. ´t Ideej is um in de toekoms ´t aantal Top 33 liéste oét te breije nao angere dõrpe in de gemeinte Venlo.

De laif oétzending van de Tegelse Top 33 vingk plaats op zaoterdaag 16 fibberwarie-j, vanaaf 9.00 oor.